எப்போதிருந்து மௌனம்?

எப்போதிருந்து நம் சந்திப்புகளில்

மௌனம் அதிக நேரத்தை

ஆக்கிரமித்துக் கொண்டது?

உன் உதடுகளின் துடிப்பில் அர்த்தங்கள்

கண்டுபிடிக்க ஆரம்பித்தது எப்போது?

எப்போதிருந்து உன் கண்களை எதிர்கொள்ள

இயலாமல் தவிக்க ஆரம்பித்தேன்?

உன்கைவிரல்களை கோர்த்து நடக்க ஆரம்பித்த

நாள் எது?

என் நடையின் வேகம் உன் வேகத்திற்கு

சமமானது எந்த நாள்?

தேடிக்கொண்டிருக்கிறேன் - அதற்கு விழா எடுக்கலாம் என்று!