என் இதயத்தின் ஒலி...

நீயாவது எனக்கு மறுமொழி கூறுவாய் 

என்றுதானே உன்னை அழைத்தேன்!

காற்றில் உலவும் சருகு - சந்தோஷத்தில் மிதக்கிறது 

என்ற உன் புரிதலை நான் என்னவென்பது?!

உனக்குத் தெரியாதா? அது மடிந்த பின்னர்தான் 

காற்றின் திசையில் இழுத்துச்செல்லப்படுவது... 

நான் திரும்பவும் என்னை புதைத்துக்கொள்கிறேன், 

விழிபிதுங்கும் அந்தப் புதைகுழியில். 

இனி என்னுடன் துணையிருக்க அந்த இருளின் 

மோகினிப் பிசாசே போதும்! 

எங்கோ தூரத்து இருளில் பல வருடங்களுக்குமுன் துரிதமாய்க் காய்ச்சிய 

சாராயப் பலிகளின் முன்னஞ்சலியாய் காய்ச்சியபோதே கத்திக் கரைந்த

கோட்டானின் அலறலாய் ஒலிக்கிறது என் இதயத்தின் ஒலி... 

அந்த ஒலியில் பயணிக்கிறது உன் வாழ்க்கை!