இன்னுமொரு தொடுதலை எதிர்நோக்கி....

ஒருவிபத்து......

படுக்கையில் தனித்திருந்த ஒருவாரத்தில்,

பனிபெய்யாத ஒரு காலைப் பொழுதில்

கதிரவன் உதிக்கும் நேரத்திலேயே வந்தாய்.

'காரிருள் திரும்புகிறதோ, சந்திரன் வருகிறதோ!' - என நான்.

அன்றுதான் உன் தொடுதலை உணர்ந்தேன்.

உன் விரல்கள் என் கைகளிலும்

நெற்றியிலும் யாருமறியாத, இதுவரை இடப்படாத

நெருப்புக் கோலங்களை இட்டுச் சென்றன.

"குழந்தையின் ஸ்பரிசமே உலகத்தில் சிறந்தது"

என்று சொல்லித்திரிந்தவன்,

முடிவை மாற்றிக்கொள்ள எதிர்பார்த்துக்

காத்திருக்கிறேன் - இன்னுமொரு தொடுதலை எதிர்நோக்கி.